Surah 114: The Mankind/An Nas ( Ang Sangkatauhan/An Nas)

 Ang Sangkatauhan 

(An Nas)

SURA 114

Isiniwalat sa Meka

Sa Pangalan ng Allah, ang Lubos na Mapagpala ang Lubos na Maawain

1. Sabihin: Ako ay nagpapakupkop sa Panginoon ng sangkatauhan,

2. Ang Hari ng sangkatauhan,

3. Ang Allah (Diyos) ng sangkatauhan,

4. Mula sa kasamaan ng bumubulong ng palihim

5. Na bumubulong ng kasamaan sa puso ng sangkatauhan,

6. Mula sa  mga jinn at ng sangkatauhan.

Surah 113: The Daybreak (Al Falaq)/(Ang Pagbubukang Liwayway /Al Falaq)

 

Ang Pagbubukang Liwayway

(Al Falaq)

SURA 113

Isiniwalat sa Meka

Sa Pangalan ng Allah, ang Lubos na Mapagpala ang Lubos na Maawain

1. Sabihin: Ako ay nagpapakupkop sa Panginoon ng Bukang-liwayway (Pagbubukang Liwayway)

2. Mula sa kasamaan ng Kadiliman habang ito ay lumalaganap;

3. Mula sa kasamaan ng mga nagsasanay ng Lihim Kaalaman (pangkukulam/);

4. At mula sa kasamaan ng mainggitin kapag siya ay naiinggit.

Surah 112: Allah the Absolute One/Allah ang Ganap na Iisang Diyos

 Allah ang Ganap na Iisang Diyos

SURA 112

Isiniwalat sa Meka

Sa Pangalan ng Allah, ang Lubos na Mapagpala ang Lubos na Maawain

1. Sabihin: Siya ay si Allah, ang Ganap na Iisa!

2. Hindi Siyang nagsilang, ni hindi Siya ipinanganak.

3. At wala Siya katulad.

Surah 111: The Palm Fiber (Ang Hibla ng Palmera)

 Ang Hibla ng Palmera 

SURA 111
Isiniwalat sa Meka
Sa Pangalan ng Allah, ang Lubos na Mapagpala ang Lubos na Maawain

1. Mapahamak ang mga kamay ng Ama ng Alab! Mapahamak siya!
2. Walang pakinabang sa kanya mula sa lahat ng kanyang kayamanan at lahat ng kanyang pakinabang!
3. Malapit na siyang masunog at siya ay nasa Apoy ng naglalagablab na Ningas!
4. At dadalhin ng kanyang asawa ang kahoy bilang panggatong!
5. Isang baluktot na lubid ng hibla ng dahon ng palma na nakapalibot sa kanyang (sariling) leeg!

Surah 110: The Help of Allah and Victory (Ang Tulong ng Allah at Tagumpay )

 Ang Tulong ng Allah at Tagumpay 

SURA 110
Isiniwalat sa Medina

Sa Pangalan ng Allah, ang Lubos na Mapagpala ang Lubos na Maawain

1. Kapag dumating ang Tulong ng Allah at Tagumpay
2. At nakikita mo ang mga Tao na pumapasok sa Relihiyon ni Allah ng maramihan 
3. At ipagdiwang ang papuri ng iyong Panginoon, at humingi ng Kanyang kapatawaran. Siya ay laging handang magpakita ng awa.

Surah 109: The Disbelievers (Ang mga Hindi Sumasampalataya Al Kafirun)

 Ang mga Hindi Sumasampalataya

(Al Kafirun)

Sura 109

Isiniwalat sa Meka

Sa Pangalan ng Allah, ang Lubos na Mapagpala ang Lubos na Maawain

1. Sabihin: O kayong mga hindi sumasampalataya!

2. Hindi ko sinasamba ang inyong sinasamba;

3. Ni sambahin ninyo ang aking sinasamba.

4. At hindi ako sasamba sa inyong sinasamba.

5. Ni hindi rin kayo sasamba sa aking sinasamba.

6. Sa inyo ang inyong relihiyon, at sa akin ang aking relihiyon.

Surah 108: The Abundant Goodness (Al Kauthar) (Ang Masaganang Kabutihan/Al Kauthar)

 Ang Masaganang Kabutihan 

(Al Kauthar)

SURA 108

Isiniwalat sa Meka

Sa Pangalan ng Allah, ang Lubos na Mapagpala ang Lubos na Maawain

1. Sa iyo (O Muhammad) Aming ipinagkaloob ang Bukal (Ng Kasaganaan).
2. Kaya sa iyong Panginoon ay humarap sa Panalangin at Pagsasakit.
3. Sapagkat ang napopoot sa iyo ay ihihiwalay (sa Pag-asa sa Hinaharap).

Surah 106: The Quraish (Ang Quraish)

 Ang Quraish

SURA 106

Isiniwalat sa Meka

Sa Pangalan ng Allah, ang Lubos na Mapagpala ang Lubos na Maawain

1. Para sa mga tipan (ng katiwasayan at pananggalang na tinamasa) ng mga Quraish

2. Ang kanilang mga tipan (na sumasaklaw) sa mga paglalakbay sa taglamig at tag-araw

3. Hayaang sambahin nila ang Panginoon ng Tahanang ito

4. Na Siyang nagbibigay sa kanila ng pagkain laban sa gutom at may katiwasayan laban sa takot (sa panganib).

Surah 105 The Elephant (Ang Elepante )

 Ang Elepante

SURA 105
Isiniwalat sa Meka
Sa Pangalan ng Allah, ang Lubos na Mapagpala ang Lubos na Maawain

1. Hindi mo ba nakita (Oh Muhammad) kung paano ang pakikitungo ng iyong Panginoon sa mga nagmamay-ari ng mga Elepante?
2. Hindi ba Niya (ng Allah) dinala sa wala ang kanilang balak,
3. At nagpadala Siya laban sa kanila ng mga pulutong ng lumilipad na nilalang (mga ibon),
4. Na ibinato sa kanila (ng mga ibon) ang mga lutong batong luwad (putik),
5. At ginawa Niya silang parang mga luntiang pananim na nilamon (ng mga baka)?

Surah 104 The Slanderer (Ang Maninirang Puri )

  Ang Maninirang Puri 

SURA 104

Isiniwalat sa Meka

Sa Pangalan ng Allah, ang Lubos na Mapagpala ang Lubos na Maawain

1. Sa aba ng bawat maninirang-puri,
2. Sino ang nagtipon ng kayamanan (ng daigdig ito) at nag-ayos nito.
3. Iniisip niya na ang kanyang kayamanan ay magbibigay sa kanya ng walang kamatayan.
4. Hindi, nguni't katotohanang siya ay itatapon sa Sumusunog (na Apoy).
5. Ah, ano ang magpapaliwanag sa iyo kung ano ang Sumusunog (na Apoy)!
6. (Ito ay) ang Apoy ng (Poot ng) Allah na nagningas
7. Na lumulukso sa mga puso (ng mga tao).
8. O ito ay inilapit sa kanila

9. Sa mga nakabukang mga hanay ng haligi.

Surah 103 The Epoch (Ang Panahon)

  Ang Panahon

SURA 103
Isiniwalat sa Meka
Sa Pangalan ng Allah, ang Lubos na Mapagpala ang Lubos na Maawain

1. Sa pamamagitan ng (Tanda ng) panahon (sa mga Panahon)
2. Tunay na ang Tao ay nasa kawalan
3. Maliban sa mga may Pananampalataya at gumagawa ng mga matuwid na gawa at (nagsasama-sama) sa pagtuturo ng Katotohanan at ng Pagtitiis at Katatagan.

Surah 102. The Abundance/The Worldly Benefit (Ang Kasaganaan/Ang Makamundong Pakinabang)

 Ang Kasaganaan

(Ang Makamundong Pakinabang)

SURA 102

Isiniwalat sa Meka

Sa Pangalan ng Allah, ang Lubos na Mapagpala ang Lubos na Maawain

1. Ang kasaganaan ay nakakagambala sa inyo.

2. Hanggang sa humantong kayo sa mga libingan.

3. Ngunit sa lalong madaling panahon malalaman ninyo (ang katotohanan).

4. Tiyak, malalaman ninyo (ang katotohanan).

5. Malalaman mo nang may kaalaman nang may katiyakan.

6. Tiyak na makikita ninyo ang Inpiyerno.

7. Oo, makikita ninyo ito nang may mata  ng katiyakan.

8. Pagkatapos, sa Araw na iyon, kayo ay tatanungin tungkol sa Kaligayahan (kayo ay nagpakasawa)!

Surah 101. The Catastrophe/The Calamity (Ang Kapahamakan/Ang Kalamidad)

   Ang Kapahamakan

(Ang Kalamidad)

SURA 101

Isiniwalat sa Meka

Sa Pangalan ng Allah, ang Lubos na Mapagpala ang Lubos na Maawain

1. Ang Kapahamakan (Kalamidad)!

2. Ano ang Kapahamakan (Kalamidad)?

3. Ah, ano ang magsasabi sa iyo kung ano ang Kapahamakan (Kalamidad)?

4. Isang araw kung saan ang sangkatauhan ay magiging katulad ng mga gamu gamong makapal na nakakalat,

5. At ang mga bundok ay magiging parang sinuklay na lana

6.Ttungkol sa kanya na ang timbangan ay mabigat (sa mga mabuting gawa),

7. Siya ay mapapasa isang kaaya-aya at masayang buhay.

8. Ngunit para sa kanya na ang timbangan ay magaan (na may mabuting gawa) 

9. Magkakaroon ng kanyang tahanan sa isang (walang ilalim) hukay.

10. At ano ang magpapaliwanag sa iyo kung ano ito? 

11. (Ito ay) isang Apoy na nagniningas ng mabangis!

Surah 100: The War Horses (Ang mga Kabayo sa Digmaan)

  Ang mga Kabayo sa Digmaan

SURA 100

Isiniwalat sa Meka

Sa Pangalan ng Allah, ang Lubos na Mapagpala ang Lubos na Maawain

1. Nanunumpa ako sa tumatakbong matulin na mga kabayo na humihingal (sa paghininga),

2. At mga kislap ng Apoy (sa kanilang mga paa),

3. At sinusuyod ang pagsalakay sa madaling araw,

4. Sa gayon, kasama nito ang bakas ng pagtaas ng kanilang ulap ng alikabok,

5. At lumagos kaagad sa gitna (ng kalaban) nang maramihan

6. O ang tao ay walang utang na loob sa kanyang Panginoon.

7. At siya ay saksi diyan;

8. At siya ay marahas sa kanyang pagmamahal sa kayamanan.

9. Hindi niya nalalaman, kapag ang nilalaman ng mga libingan ay ibinuhos sa kapaligiran

10. At ang mga lihim ng mga dibdib ay naisiwalat,

11. Sa araw na iyon ang kanilang Panginoon ay ganap na ipaalam ang tungkol sa kanila

Surah 99: The Earth Quake (Ang Lindol)

 Ang Lindol

SURA 99

Isiniwalat sa Meka

Sa Pangalan ng Allah, ang Lubos na Mapagpala ang Lubos na Maawain

1. Kapag ang Daigdig ay nayanig sa kanyang (panghuling) paglindol

2. At inilabas ng Lupa ang kanyang pasanin (mula sa loob)

3. At ang tao ay sumigaw (nababalisa): `Ano ang problema niya?

4. Sa araw na iyon isasalaysay niya ang kanyang mga talaan,

5. At hindi silang ipinag-utusan maliban sa paglingkuran si Allah, pinananatiling dalisay ang pananampalataya para sa Kanya, bilang mga tao sa likas na tuwid, at magtatatag ng pagsamba 

6. Sa araw na iyon ang sangkatauhan ay lalabas sa nakakalat na pulutong upang ipakita ang kanilang mga gawa.

7. At sinumang gumawa ng mabuti sa bigat ng isang atomo ay makikita ito pagkatapos,

8. At sinumang gumawa ng isang atomo ng bigat ng kasamaan ay makikita pagkatapos nito.

Surah 98: The Clear Evidence (Ang Malinaw Katibayan)

  Ang Malinaw Katibayan

SURA 98

Isiniwalat sa Meka

Sa Pangalan ng Allah, ang Lubos na Mapagpala ang Lubos na Maawain

1. Ang mga hindi sumasampalataya sa mga Tao ng Kasulatan, at ang mga Sumasamba sa diyos diusan ay hindin hihiwalay (sa kanilang kawalan ng pananalig), hanggang sa dumating sa kanila ang Malinaw na Katibayan.

2. Isang mensahero mula sa Allah na nagbigkas ng mga banal na kasulatan na pinananatiling dalisay at banal:

3. Naglalaman ng wastong mga banal na kasulatan.

4. Ni ang mga binigyan ng Kasulatan ay hindi nahati, maliban pagkatapos na dumating sa kanila ang Malinaw na Katibayan.

5. At hindi silang ipinag-utusan maliban sa paglingkuran si Allah, pinananatiling dalisay ang pananampalataya para sa Kanya, bilang mga tao sa likas na tuwid, at magtatatag ng pagsamba 

6. Sila ay inutosan lamang na sambahin ang Allah, italaga ang kanilang pananampalataya sa Kanya lamang, at magsagawa ng palagiang pananalamgin, at magbigay ng limos. Iyan ang matuwid na relihiyon.

7. Ang mga may pananampalataya at gumagawa ng mga mabubuting gawa sila ang pinakamabuti sa mga nilalang.

8. Ang kanilang gantimpala ay nasa Allah: Mga Hardin sa Eden na Walang Hanggan na sa ilalim nito ay ang mga ilog naumaagos; Sila'y tatahan doon magpakailan man; Ang Allah ay lubos na nalulugod sa kanila at sila sa Kanya: lahat ng ito ay para sa mga may takot sa kanilang Panginoon at Mapagmahal.

Surah 97: The Decree/The Destiny (Ang Kautusan/Ang Katalagahan)

Ang Kautusan

(Ang Katalagahan)

SURA 97

Isiniwalat sa Meka

1. Tunay na Aming ipinahayag ito (Mensahe) sa gabi ng Kautusan (Katalagahan):
2. At ano ang magpapaliwanag sa iyo kung ano ang Gabi ng Kautusan?
3. Ang Gabi ng Kautusan ay mas mabuti kaysa sa isang libong buwan.
4. Doon ay bumaba ang mga anghel at ang Espiritu sa pamamagitan ng pahintulot ni Allah sa bawat gawain:
5. (Ang gabi ay) Kapayapaan hanggang sa pagsikat ng bukang-liwayway.

 

Surah 96: The Blood Clot ( Ang Namuong Dugo)

 Ang Namuong Dugo

SURA 96

Isiniwalat sa Meka

Sa Pangalan ng Allah, ang Lubos na Mapagpala ang Lubos na Maawain

1. Ipahayag! (O Muhammad) sa pangalan ng iyong Panginoon na lumikha

2. Nilikha ang tao mula sa isang (laman) na namuong dugo

3. Ipahayag! At ang iyong Panginoon ay ang Lubos na Mapagpala

4. Siya na nagturo (sa paggamit ng) Panulat

5. Itinuro sa tao ang hindi niya nalalaman.

6. Sa katunayan, ang tao ay lumalampas sa lahat ng hangganan.

7. Kapag nakita niya ang kanyang sarili na walang pananagutan.

8. Ngunit sa iyong Panginoon ang pagbabalik (ng lahat).

9. Nakita mo ba siya na humahadlang?

10. Isang alipin kapag siya ay nananalangin?

11. Nakita mo ba kung siya ay umaasa sa patnubay (ni Allah)

12. O nagtataguyod ng katuwiran?

13. Nakikita mo ba kung siya ay tumatanggi (sa patnubay ng Allah) at tumalikod?

14. Hindi ba niya alam na nakikita ng Allah

15. Mag-ingat siya! Kung siya ay hindi titigil kakaladkarin Namin siya sa pamamagitan ng bunbunan

16. Ang sinungaling na makasalanang bunbunan!

17. Pagkatapos ay hayaan siyang tumawag (para sa tulong) sa kanyang pangkat (ng mga kasama):

18. Tatawagin Namin ang mga tagapagbantay ng Impiyerno (mga anghel.

19. Huwag mo siyang sundin (O Muhammasd); ngunit yumukod ka, at lumapit (kay Allah).

Surah 95: The Fig (Ang Igos)

 Ang Igos

SURA 95

Isiniwalat sa Meka

1. Sa pamamagitan ng puno ng Igos at puno ng Olibo,

2. Sa tabi ng Bundok Sinai,

3. At sa pamamagitan ng lupaing ito ay ginawang ligtas;

4. Tunay na Aming nilikha ang tao na may pinakamagandang kalagayan,

5. Pagkatapos ay ibinaba Namin siya (upang maging) pinakamababa sa pinakamababa,

6. Maliban sa mga naniniwala at gumagawa ng matuwid na gawa: sapagkat sila ay magkakaroon ng gantimpala na walang katapusan.

7. Kung gayon ano ang maaaring sumalungat sa iyo pagkatapos nito; tungkol sa Paghuhukom (na darating)?

8. Hindi ba ang Allah ang pinakamatalino sa lahat ng mga Hukom?

Surah 94: The Solace ( Ang Pagpapaginhawa)

  Ang Pagpapaginhawa

SURA 94

Isiniwalat sa Meka

Sa Pangalan ng Allah, ang Lubos na Mapagpala ang Lubos na Maawain

1. Hindi ba Namin pinaginhawa ang iyong puso (O Muhammad)?
2. At alisin sa iyo ang iyong pasanin.
3. Na ang nagpabigat sa iyong likod?
4. At itinaas para sa iyo ang iyong magandang pangalan?
5. Sa bawat hirap ay may ginhawa.
6. Katotohanan sa bawat kahirapan ay may kaginhawahan.
7. Kaya kapag ang iyong gawain ay tapos na, bumaling (sa pagbabanal)
8. At sa iyong Panginoon ay ibaling mo (ang lahat) ng iyong pansin.

Surah 93: The Morning Light (Ang Liwanag ng Umaga)

 Ang Liwanag ng Umaga

SURA 93

Isiniwalat sa Meka

Sa Pangalan ng Allah, ang Lubos na Mapagpala ang Lubos na Maawain

1. Sa pamamagitan ng Maluwalhating Liwanag ng Umaga.

2. At sa gabi kapag ito ay tahimik,

3. Ang iyong Panginoon (O Muhammad) ay hindi tumalikod sa iyo at hindi napopoot sa iyo.

4. At katotohanang ang kabilang buhay ay higit na mabuti para sa iyo kaysa sa kasalukuyan.

5. At katotohanang ang iyong Panginoon ay magbibigay sa iyo, at ikaw ay masisiyahan.

6. Hindi ka ba Niya natagpuan (O Muhammad) na isang ulila at binigyan ka ng kanlungan (at pangangalaga)?

7. At natagpuan ka Niya na naliligaw at binigyan ka Niya ng patnubay.

8. At ikaw ay nasumpungang dukha, at ikaw ay pinayaman?

9. Kaya naman huwag abusuhin ang ulila nang may kalupitan

10. Kaya huwag itaboy ang pulubi,

11. Ngunit ipagdiwang ang Biyaya ng iyong Panginoon at ipahayag!

The Night (Ang Gabi) Sura 92

 Ang Gabi

SURA 92

Isiniwalat sa Meka

Sa Pangalan ng Allah, ang Lubos na Mapagpala ang Lubos na Maawain

1. Sa Gabi habang ito ay nagtatakip (sa liwanag);

2. Sa Araw na nakikita sa kaluwalhatian;

3. Sa pamamagitan ng (hiwaga ng) paglikha ng lalaki at babae

4. Katotohanan (ang mga wakas) na inyong pinagsusumikapan ay magkakaiba.

5. Kaya siya na nagbibigay (sa kawanggawa) at natatakot (sa Allah)

6. At (sa buong katapatan) ay nagpapatotoo ng pinakamabuti

7. Tunay nga gagawin Naming maalwan para sa kanya ang landas patungo sa lubos na kaligayahan. 8. Ngunit siya na isang sakim na kuripot at iniisip ang kanyang sarili ay may kasapatan na.

9. At ibinibigay ang Pinakamagaling na kasinungalingan 

10. Tunay na Aming gagawing madali para sa kanya ang Landas tungo sa Kahirapan;

11. Ni ang kanyang kayamanan ay hindi niya mapapakinabangan ng kapag siya ay nahuhulog una ang ulo (sa hukay).

12. Katotohanan. Nasa Amin ang pagbibigay ng Patnubay,

13. At katotohanang sa Amin (pag-aari) ang Wakas at ang Simula.

14. Kaya't binabalaan Ko kayo tungkol sa isang Apoy na nagniningas na mabangis;

15. Walang makakarating dito maliban sa mga pinakamasama

16. Na nagbibigay ng kasinungalingan sa Katotohanan at tumalikod.

17. Ngunit yaong mga lubos na tapat kay Allah ay ilalayo mula dito

18. Silang mga nagbibigay ng kanilang kayamanan upang sila ay lumago (sa kabutihan)

19. (At wala sa kanilang isipan ang tumulong kung saan ang gantimpala ay inaasahan bilang kapalit

20. Ngunit tanging ang pagnanais na hanapin ang mukha ng kanilang Panginoong Kataas-taasan.

21. At sa lalong madaling panahon sila ay magtatamo ng (ganap na) kasiyahan.

Surah 91: The Sun (Ang Araw)

Ang Araw

SURA 91

Isiniwalat sa Meka

Sa Pangalan ng Allah, ang Lubos na Mapagpala ang Lubos na Maawain

1. Sa pamamagitan ng araw at ng kanyang liwanag,

2. At ang buwan kapag sinusundan niya ito,

3. At ang araw kung kailan siya lumitaw,

4. At ang gabi kapag siya ay binalot nito,

5. At ang langit at Siyang nagtayo nito,

6. At ang lupa at Siya na naglatag nito,

7. At isang kaluluwa at Siya na nagpasakdal nito

8. At At ang kaliwanagan nito sa mali at sa tama nito.

9. Tunay na nagtatagumpay siya na nagpapadalisay dito

10. Nabigo ay siya na nagpapasama nito

11. (Ang lipi ni) Thamud ay itinanggi (ang katotohanan) sa kanilang mapaghimagsik na pagmamataas.

12. Masdan, ang pinakamasamang Tao sa kanila ay itinalaga (kawalang-galang).

13. Ngunit ang Sugo ng Allah (Propeta Salih) ay nagsabi sa kanila; "Mag-ingat! (iyan ay isang babaeng kamelyo ni Allah) huwag siyang pigilan sa pag-inom o saktan!"

14. Nguni't sila ay tinanggihan siya, at kanilang pinutol siya, kaya sila ay pinatulan ni Allah para sa kanilang kasalanan at sinira (ang kanilang mga tirahan).

15. At Siya (Allah) ay hindi natatakot sa mga kahihinatnan nito.

Surah 90: The City (Ang Lungsod)

Ang  Lungsod

SURA 90

Isiniwalat sa Meka

Sa Pangalan ng Allah, ang Lubos na Mapagpala ang Lubos na Maawain

1. Sumusumpa ako sa lungsod na ito –

2. At ikaw ay isang malayang mamayan ng Lungsod na ito

3. At (ang banal na ugnayan ng) Magulang at Anak

4. Katotohanang Aming nilikha ang Tao sa pagharap sa pagpapagal at pakikibaka.

5. Iniisip ba niya na walang may kapangyarihan sa kanya?

6. Maaaring sabihin niya (nang may pagmamalaki): "Ang kayamanan ay nilustay ko nang sagana!"

7. Iniisip ba niya na walang nakakakita sa kanya?

8. Hindi ba Namin siya binigyan ng dalawang mata?

9. At isang dila at dalawang labi,

10. At Aming ipinamalas (ipinaalam) sa kanya ang dalawang landas (tama at mali)?

11.  Ngunit hindi siya nagsumikap na Umakyat sa matarik na landas.

12. Ah, ano ang magsasabi sa iyo kung ano ang Pag-akyat?

13. (Ito ay) upang palayain ang isang alipin,

14. O ang pagbibigay ng pagkain sa araw ng kagipitan

15. Isang ulila ng malapit na kamag-anak,

16. O ilang kaawa-awa sa paghihirap,

17. Pagkaraan,siya ay isa sa mga sumasampalataya at nagtatagubilin sa isa't isa sa pagiging matiyaga,at (gayundin) ay nagtatagubilin sa isa't isa sa pagiging maawain (bukas ang puso).

18. Sila ang mga karapat-dapat na magsisipanirahan sa Paraiso,

19. (Datapuwat) sila na hindi sumasampalataya sa Aming pagsisiwalat sila nga sa totoo lang ang magsisipanirahan sa Impiyerno.

20. Ang Apoy ay ganap na babalot sa kanila (sa madaling salita ay babalutin ng Apoy nang walang anumang lagusan, butas o bintana).

 

Surah 89: The Dawn (Ang Bukang Liwayway)

Ang Bukang Liwayway

SURA 89

Isiniwalat sa Meka

Sa Pangalan ng Allah, ang Lubos na Mapagpala ang Lubos na Maawain

1. Sa pamamagitan ng pagbubukang liwayway;

2. At sampung gabi.

3. At ang Pantay at ang Kakaiba,

4. At ang Gabi kapag ito ay lumisan

5. Katotohanang mayroong isang panunumpa para sa isang taong nag-iisip.

6. Hindi mo ba naiisip (O Muhammad) kung paano ang pakikitungo ng iyong Panginoon sa (lipi ni) Aad,

7. Ng (lungsod ng) Iram na may matayog na mga haligi,

8. Ang katulad nito ay hindi nilikha sa mga lupain;

9. At kasama ng (ang lipi ni) Thamud, na nagbaakt ng mga bato sa lambak;

10. At si Faraon, na napakalakas sa kapangyarihan,

11. Na (silang lahat ay) nagmalabis sa mga pamayanan (sa pagsuway kay Allah).

12. At nagsagawa dito ng napakalaking kabuktutan.

13. Kaya binigyan sila ng iyong Panginoon ng iba't ibang uri ng kaparusahan.

14. Katotohanan, ang iyong Panginoon ay Laging Nagmamasid (sa kanila).

15. Tungkol sa tao, sa tuwing siya ay sinusubok ng kanyang Panginoon sa pamamagitan ng pagpaparangal sa kanya, at mapagbigaybiyaya sa kanya, kanyang sinasabi: Pinarangalan ako ng aking Panginoon.

16. Ngunit sa tuwing sinusubok Niya siya sa pamamagitan ng paghihigpit ng kanyang pamumuhay, sinasabi niya: Kinamumuhian ako ng aking Panginoon.

17. Hindi talaga. Ngunit hindi ninyo pinarangalan ang ulila.

18. Ni hindi ninyo hinihikayat ang isa't isa na pakainin ang mahihirap!

19. At nilalamon ninyo ang mana ng buong kasakiman.

20. At mahal ninyo ang kayamanan na may labis na pagmamahal!

21. Hindi! kapag ang lupa ay nadurog at naging pulbos

22. At ang iyong Panginoon ay darating, kasama ang mga anghel, nakahanay sunod sunod.

23. At ang Impiyerno sa Araw na iyon ay dinala (sa harapan nila) sa Araw na iyon ay maaalala ng tao ngunit paano niya mapapakinabangan ng alaalang iyon?

24. Siya ay magsasabi: "Ah! sana ako ay nagpadala ng (Mga Mabuting Gawa) para (ito) sa aking (Kinabukasan) Buhay."

25. Sa Araw na iyon, walang magpaparusa gaya ng Kanyang pagpaparusa!

26. Walang makagagapos na katulad ng sa Kanyang pagapos.

27. (Sa matuwid na kaluluwa ay sasabihin) "O (ikaw) kaluluwa sa (ganap na) kapahingahan at kasiyahan!

28. "Bumalik ka sa iyong Panginoon na lubos na nalulugod (sa iyong sarili) at lubos na nakalulugod sa Kanya!

29. Halika, pumasok ka sa lipon ng Aking mararangal na alipin,

30. "Oo pumasok ka sa aking Langit"!

 

Surah 88: The Overwhelming Event (Ang Napakalaking Kaganapan)

 Ang Napakalaking Kaganapan

(Ang Nakapangyayari)

SURA 88

Isiniwalat sa Meka

Sa Pangalan ng Allah, ang Lubos na Mapagpala ang Lubos na Maawain

1. Dumating na ba sa iyo ang balita ng Malaking (Kaganapan)?

2. Sa Araw na iyon, may mga tao na ang mukha ay magiging kaawaawa.

3. Nagpapagal, pagod,

4. Sila ay papasok sa Nagngangalit na Apoy.

5. Iinom sila sa kumukulong bukal.

6. Walang pagkain para sa kanila maliban sa mapait na bungang kahoy na matinik

7. Na hindi magpapalusog o mapapawi ang kanilang gutom..

8. Ang ibang mga mukha sa Araw na iyon ay magiging masaya.

9. Maligaya sa kanilang pagsisikap sa nakaraan,

10. Sa Hardin ng mataas na Paraiso

11. Kung saan hindi sila makakarinig ng (salita) ng walang kabuluhan:

12. Kung saan mayroong bumubulusok na bukal,

13. Kung saan naroon ang mga Luklukan (ng karangalan) na nakataas.

14. At nakalagay ang mga kopita sa kamay

15. At mga unan (bantal) na nakahanay

16. At nakalatag na mga mala-sutlang alpombra.

17. Hindi ba nila isasaalang-alang ang mga kamelyo, paano sila nilikha?

18. At paano itinaas ang langit?

19. At paanong ang mga bundok ay matatag na inilagay?

20. At ang lupa, paano ito nailatag?

21. Kaya paalalahanan sila, sapagkat ikaw ay Sugo lamang na isang tagapagpaalala.

21. Hindi ka naman tagabantay sa kanila.

22. Hindi ka naman isang tagabantay sa kanila.

23. Ngunit kung sinuman ang tumalikod at hindi sumampalataya kay Allah

24. Paparusahan siya ni Allah ng isang matinding Parusa.

25. Katotohanan sa Amin ang kanilang Pagbabalik;

26. Kung magkagayon sila ay Amin tatawagin upang papanagutin.

Surah 87: The Most High (Ang Kataas-taasan)

 Ang Kataas-taasan

SURA 87

Isiniwalat sa Meka

Sa Pangalan ng Allah, ang Lubos na Mapagpala ang Lubos na Maawain

1. Purihin ang Pangalan ng iyong Panginoon, ang Kataas-taasan.

2. Siya na lumikha at nagbigay ng karagdagang kaayusan at sukat;

3. Siya na lumikha at gumagabay;

4. At Sino a

ng naglalabas ng (luntian at masarap) pastulan.

5. At pagkatapos ay ginagawa itong mala-pulang dayami.

6. Gagawin ka Namin  makapagbasa (O Muhammad) upang ikaw ay hindi makalimot

7. Maliban sa ninanais ni Allah: Sapagkat alam Niya kung ano ang hayag at kung ano ang nakatago.

8. At Aming pagagaangin ang iyong daan tungo sa kalagayan ng kaginhawahan.

9. Kaya magbigay ng payo kung sakaling ang paalala ay makikinabang (ang nakikinig).

10. Ang payo ay matatanggap ng mga may takot (sa Allah):

11. Ngunit ito ay maiiwasan ng mga pinaka kapus-palad.

12. Siya na itatapon sa malaking apoy

13. Kung saan hindi siya mamamatay, ni mabubuhay.

14. Nagtatagumpay ang naglilinis ng sarili.

15. At inaalaala ang pangalan ng kanyang Panginoon, at nananalangin. 

16. Ngunit masdan, mas pinipili ninyo ang buhay sa daigdig na ito;

17. Kahit na ang Kabilang Buhay ay mas mabuti, at mas tumatagal.

18. At ito ay nasa mga Aklat ng pinakaunang (Paghahayag)

19. Ang mga Aklat ni Abraham at Moises.

Surah 86: The Evening Guest (Ang Panauhin sa Gabi)

 Ang Panauhin sa Gabi 

SURA 86
Isiniwalat sa Meka
Sa Pangalan ng Allah, ang Lubos na Mapagpala ang Lubos na Maawain

1. Sa pamamagitan ng langit at ng tala (bituin) sa umaga;

2. Ah, ano ang magsasabi sa iyo kung ano ang bituin (tala) sa umaga!

3. Ang bituwin na may lumalagos na liwanag!

4. Walang kaluluwa ng tao na may tagapag-alaga  nito.

5. Hayaang isaalang-alang ng tao kung saan siya nilikha.

6. Siya ay nilikha mula sa isang patak ng bumubulusok na likido.

7. Iyon ay inilalabas mula sa pagitan ng mga balakang at tadyang.

8. Tiyak (Allah) ay may kakayahang ibalik siya (sa buhay)!

9. Sa Araw na ang (lahat) ng mga bagay na lihim ay mabubunyag.

10. Kung magkagayon (ang tao) ay wala ng lakas o anumang katulong.

11. Sa pamamagitan ng langit na nagbibigay ng bumabalik na ulan,

12. At sa pamamagitan ng Lupa na bumubukas (para sa pagbubulwak ng mga bukal o sa pagsibol ng mga halaman)

13. Masdan, ito ang Salita na nagpapakilala (ng Mabuti sa Masama):

14. Ito ay hindi isang bagay para sa libangan.

15. Sila ay nagbabalak ng isang balakin (laban sa iyo, O Muhammad)

16. At bumabalankas ako ng isang pamamaraan (laban sa kanila).

17. Kaya bigyan ng pagkakataon ang mga hindi sumasampalataya. Magiliw kang makitungo sa kanila nang ilang sandali.

Surah 85: The Constellations / Ang Kalipunan ng mga Bituin

 Ang Kalipunan ng mga Bituin

SURA 85

Isiniwalat sa Meka

Sa Pangalan ng Allah, ang Lubos na Mapagpala ang Lubos na Maawain

1. Sa pamamagitan ng langit na may mga malaking tahanan ng mga bituin (kalipunan ng mga bituwin),

2. Sa ipinangakong Araw (ng Paghuhukom),

3. At sa pamamagitan ng patotoo at kung saan siya ay nagpapatotoo,

4. Sa aba sa mga gumagawa ng hukay (ng Apoy)

5. Ang apoy ay nilagyan (sagana) ng panggatong.

6. Masdan! sila ay naupo sa tapat ng (apoy).

7. At sinasaksihan nila ang kanilang ginawa sa mga mananampalataya.

8. At sila ay pinagmalupitan ng walang ibang dahilan kundi sila ay sumampalataya sa Allah na Dakila sa Kapangyarihang karapat-dapat sa lahat ng Papuri!

9. Siya na nagmamay-ari ng kapangyarihan ng mga langit at lupa! at ang Allah ay Saksi sa lahat ng bagay.

10. Sila ang umu-usig sa mga mananampalatayana lalaki mga babae at hindi nagsisi, tunay na kanila ang magiging parusa sa impiyerno, at kanila ang parusa ng pagkasunog.

11. Ang mga sumasampalataya at gumagawa ng mabubuting gawa ay magkakaroon ng mga Hardin na sa ilalim nito ay umaagos ang mga ilog. Iyan ang dakilang tagumpay.

12. Katotohanan! ang parusa ng iyong Panginoon ay malubha.

13. Siya ang (Allah) lumikha, pagkatapos ay magparami,

14. At Siya ang (Allah) ang Mapagpatawad, ang Mapagmahal.

15. Panginoon ng Luklukan ng Kaluwalhatian,

16. Gumagawa ng kung ano ang Kanyang naisin.

17. Nakarating na ba sa iyo (O Muhammad) ang kasaysayan ng mga hukbo?

18. Ng Paraon at (ang lipi ni) Thamud?

19. At gayon pa man ang mga Hindi sumasampalataya (nagpapatuloy) sa pagtanggi (sa Katotohanan)!

20. Ngunit si Allah ay pinalibutan sila mula sa likuran!

21. Sa katunayan, ito ay isang Maluwalhating Quran

22. Sa isang binabantayang tablet (kalatas).

Surah 84: The Split Asunder ( Ang Paghahati)

 Ang Paghahati

SURA 84
Isiniwalat sa Meka

Sa Pangalan ng Allah, ang Lubos na Mapagpala ang Lubos na Maawain

1. Kapag ang langit auy nahati

2. At nakikinig sa (utos ng) Panginoon nito, at ito ay kinakailangang (gawin),

3. At kapag ang lupa ay pinatag

4. At inihagis kung ano ang nasa loob nito at naging (malinis) na walang laman

5. At nakikinig sa (utos ng) Panginoon nito, at ito ay kinakailangang (gawin), (pagkatapos ay uuwi ang buong Katotohanan).

6. O ikaw tao! tunay na ikaw ay patuloy na nagpapagal patungo sa Panginoon nang masakit na nagpapagal ngunit ikaw ay makakatagpo sa Kanya. 7. Kung tungkol sa kanya na ibinigay ang kanyang aklat sa kanyang kanang kamay.

8. Tunay makakatanggap siya ng madaling pagtutuos (pagsasaayos).

9. At babalik sa kanyang bayan na may kagalakan.

10. Ngunit siya na ibinigay ang kanyang tala sa kanyang likuran,

11. Nalalapit na siyang tumangis para sa kapahamakan

12. At siya ay papasok sa Naglalagablab na Apoy.

13. Masaya siya noon sa piling ng sambahayan (kababayan) niya.

14. Siya ay tunay na nagpalagay na siya ay hindi na babalik (kay Allah).

15. Hindi! sapagka't ang kanyang Panginoon ay laging nakasubaybay sa kanya!

16. Oh, Ako (ang Allah) ay sumusumpa sa paglubog ng araw,

17. At sa gabi at kung ano ang nababalot nito,

18. At sa pamamagitan ng buwan kapag siya ay nasa kabilugan,

19. Na kayo ay tiyak na maglalakbay mula sa isang yugto patungo sa isang yugto.

20. Ano nga ba ang nangyayari sa kanila na hindi nila pinaniniwalaan?

21. At, kapag ang Qur'an ay binigkas sa kanila, sila ay hindi yumuyuko at sumasamba (sa Allah)?

22. Hindi, ngunit ang mga Hindi Sumasampalataya ay tatanggi;

23. Ngunit si Allah ay may ganap na Kaalaman sa kung ano ang kanilang itinatago (sa kanilang mga dibdib).

24. Kaya ipaalam sa kanila ang Mabigat na Parusa (inihanda para sa kanila).

25. Maliban sa mga naniniwala at gumagawa ng mga matuwid na gawa: para sa kanila ay isang Gantimpala na kailaan man hindi mabibigo.

Surah 83: The Defrauders (Ang mga Mandaraya)

  Ang mga Mandaraya

SURA 83

Isiniwalat sa Meka

Sa Pangalan ng Allah, ang Lubos na Mapagpala ang Lubos na Maawain

1. Sa aba ng mga mandaraya:

2. Silang kapag kailangan nilang tumanggap sa pamamagitan ng sukat mula sa mga tao ay ganap sa tamang sukat.

3. Ngunit kapag kailangan nilang magbigay sa pamamagitan ng sukat o timbang sa mga tao sila nagbibigay ng masmababa kaysa sa nararapat.

4. Hindi ba nila iniisip na sila ay bubuhaying muli at tatawagin ng papanagutin?

5. Sa isang kakila-kilabot na Araw,

6. Ang araw na ang (lahat) ng sangkatauhan ay tatayo sa harap ng Panginoon ng mga Daigdig?

7. Hindi talaga. Ang talaan ng masasama ay nasa Sijjeen (talaan ng masasama).

8. Ah! ano ang maghahatid sa iyo kung ano ang Sijjin!

9. Isang nakasulat na tala.

10. Sa aba ng mga nagtatakwil sa araw na iyon!

11. Silang mga nagtatatwa sa Araw ng Paghuhukom

12. Ngunit walang nagtatatwa maliban sa bawat makasalang mananalangsang.

13. Nang ang Aming mga paghahayag ay binigkas sa kanya, sinabi niya, "Mga alamat ng mga sinaunang tao."

14. Hindi talaga. Nasira ang kanilang mga puso sa dati nilang kinikita.

15. Hindi talaga. Sa Araw na iyon, sila ay matatakpan mula (sa awa ng) kanilang Panginoon.

16. Pagkatapos sila ay susunugin sa Impiyerno

17. At sasabihin (sa kanila): Ito ang dati ninyong itinatakwil.

18. Hindi, ngunit ang talaan ng mga matutuwid ay nasa Illiyin (talaan ng mga matuwid).

19. Ah, ano ang magsasabi sa iyo kung ano ang 'Illiyin

20. Isang nakasulat na tala,

21. Pinatotohanan ng mga inilapit (sa kanilang Panginoon).

22. Sa katunayan, ang matuwid ay nasa gitna ng kaligayahan.

23. Sa mga Luklukan (ng dangal) sila ay mag-uutos ng isang paningin (ng lahat ng bagay):

24. Makikilala mo sa kanilang mga mukha ang ningning ng kaligayahan.

25. Dito sila ay paiinumin ng purong alak na ang sisidlan ay natatakpan pa .

26. Ang tatak nito ay Musk (Mabango): at para dito hayaan ang mga naghahangad na may mga mithiin:

27. At ang halo nito (ang alak) ay mula sa (tubig) ng Tasnim.

28. Isang bukal kung saan ang mga inilapit kay Allah ay umiinom

29. Ang mga nagkasala noon ay pinagtatawanan ang mga sumasampalataya.

30. At sa tuwing sila ay dumaan sa kanila ay nagkikindatan sa isa't isa (sa pangungutya);

31. At kapag sila ay bumalik sa kanilang sariling mga tao, sila ay babalik na may kagalakan.

32. At sa tuwing sila'y kanilang makita ay kanilang sasabihin, "Narito! ito ang mga taong tunay na naliligaw!"

33. Ngunit hindi sila isinugo bilang Tagabantay sa kanila!

34. Ngunit sa Araw na ito ay pagtatawanan ng mga Sumasampalataya ang mga Hindi Sumasampalataya.

35. Sa mga Luklukan (ng Karangalan) Sila ay mag-uutos (isang paningin) (sa lahat ng bagay).

36. Nabayaran na ba ang mga hindi mananampalataya sa dati nilang ginagawa?

Surah 82: The Cleft Asunder ( Ang Paghahati)

 Ang Paghahati

SURA 82

Isiniwalat sa Meka
Sa Pangalan ng Allah, ang Lubos na Mapagpala ang Lubos na Maawain

1. Kapag ang langit  ay nahati,

2. Kapag nangalat ang mga bituwin.

3. Kapag ang mga karagatan ay sumabog.

4. Kapag nagkalat ang mga libingan.

5. Malalaman ng bawat kaluluwa kung ano ang nagawa nito, at kung ano ang ipinagpaliban nito.

6. O tao! Ano ang nag udiok sa iyo na mawalang ingat tungkol sa iyong Panginoon, ang Mabiyaya,

7. Sino ang lumikha sa iyo, pagkatapos ay nagbigay-anyo sa iyo, pagkatapos ay nag-ayos sa iyo sa angkop na tamang sukat?

8. Sa anumang anyo na Kanyang naisin, binuo  ka Niya .

9. Hindi, ngunit itinatanggi nila ang Paghuhukom.

10. Ngunit katotohanang sa itaas ninyo (ay itinalagang mga anghel) upang subaybayan kayo

11. Mabait at marangal (na mga angel) na pagsulat (iyong mga gawa):

12. Ang nakakaalam (lahat) ng inyong ginagawa.

13. Katotohanan, ang matuwid ay tunay na magagalak

14. At narito! ang masasama ay tunay na mapapasa impiyerno;

15. Sila ay susunugin doon sa Araw ng Paghuhukom,

16. At hindi nila magagawang lumayo mula rito.

17. At ano ang magpapaliwanag sa iyo kung ano ang Araw ng Paghuhukom?

18. Muli ano ang magpapaliwanag sa iyo kung ano ang Araw ng Paghuhukom?

19. (Ito ay magiging) ang Araw kung kailan walang kaluluwa ang magkakaroon ng kapangyarihan (na gumawa) ng anuman para sa iba: sapagkat ang Kautusan na ang Araw na iyon ay (buong buo) kay Allah lamang.

Surah 81: The Overthrowing (Ang Pagbagsak)

 Ang Pagbagsak

SURA 81

Isiniwalat sa Meka

Sa Pangalan ng Allah, ang Lubos na Mapagpala ang Lubos na Maawain

1. Kapag ang araw ay ibinagsak
2. At kapag ang mga bituin ay malaglag,
3. Kapag ang mga bundok ay naglaho (tulad sa isang malikmata);
4. At kapag ang mga kamelyong malaki at may mga anak ay iniwan,
5. At kapag ang mga mababangis na hayop ay pinagsama-sama,
6. Kapag kumulo ang mga karagatan na may paglaki;
7. At kapag ang mga kaluluwa ay muling pinagsama,
8. At kapag tinanong ang batang babae na inilibing ng buhay:
9. Sa anong kasalanan siya pinatay,
10. At kapag ang mga pahina ay nabuksan,
11. Kapag napunit ang langit.
12. Kapag ang Naglalagablab na Apoy (ng Impiyerno) ay nagningas sa matinding init;
13. At kapag ang Hardin ay inilapit 
14. (Pagkatapos) Malalaman ng bawat kaluluwa kung ano ang inihanda nito.
15. Kaya katotohanang ako ay tumatawag upang saksihan ang mga planeta,
16. Ang mga bituin na sumikat at lumulubog,.
17. At pagsapit ng gabi,
18. And the breath of morning
19. a ito ay sa katotohanan ang salita ng isang pinarangalan na sugo,
20. Makapangyarihan, itinatag sa harapan ng Panginoon ng Trono,
21. (Isa) na dapat sundin, at mapagkakatiwalaan;
22. At hindi baliw ang inyong kasama.
23. Tiyak na nakita niya siya sa malinaw na abot-tanaw.
24. Ni hindi siya sabik sa kaalaman ng Hindi Nakikita..
25. Hindi rin ito salita ng masamang espiritung isinumpa.
26. Kung gayon, saan kayo pupunta?
27. Ito ay walang iba kundi isang paalala sa lahat ng nilalang,
28. Sinuman sa inyo ang nagnanais na lumakad nang matuwid.
29. At wala kayong magagawa maliban sa kalooban ng Allah, ang Panginoon ng mga Daigdig.

Surah 80: He Who Frowned (Siya na Sumimangot/Kumunot)

Siya na Sumimangot

SURA 80

Isiniwalat sa Meka

Sa Pangalan ng Allah, ang Lubos na Mapagpala ang Lubos na Maawain

1. Ang (Propeta) ay Sumimangot at tumalikod.

2. Sapagkat ang lalaking bulag ay lumapit sa kanya.

3. Ano ang makakapagbibigay-alam sa iyo na maari siyang lumago (sa biyaya)

4. O mag-ingat at sa gayon ay mapakinabangan niya ang paalala?

5. Para sa kanya na nag-iisip sa kanyang sarili na malaya,

6. Siya ay binibigyang-galang mo.

7. Gayon ma'y hindi mo alalahanin kung siya ay hindi lumago (sa biyaya).

8. Datapuwat tungkol sa kaniya na lumalapit sa iyo na may taimtim na layunin

9. At may takot,

10. Mula sa kanya ikaw ay nagulo.

11. Hindi, ngunit katotohanang ito ay isang Paalaala,

12. Kaya ang sinumang makikinig dito,

13. (Ito ay) sa Mga Aklat na binigyan ng (malaking) parangal.

14. Ang mataas (sa dangal) ay pinananatiling dalisay at banal

15. (Isinulat) ng mga kamay ng mga tagapagsulat

16. Marangal at Banal at Makatarungan.

17. Sa aba ng tao! ano ang naging dahilan ng pagtanggi niya sa Allah?

18. Mula sa anong bagay siya nilikha Niya?

19. Mula sa isang patak ng semilya (binhi): Nilikha Niya siya at siya at sa angkop na sukat;

20. Kung magkagayo'y ang kaniyang landas ay gagawin Niyang maayos ang para sa kaniya;

21. Pagkatapos ay binawian Niya siya ng buhay at inilagay siya sa kanyang libingan;

22. Pagkatapos kapag ito ay Kanyang kalooban ay Kanya siyang ibabangon (muli).

23. Ngunit hindi, hindi niya tinupad ang iniutos ng Allah sa kanya.

24. Pagkatapos ay hayaang tingnan ng tao ang kanyang Pagkain (at kung paano Namin ito ipinagkaloob):

25. Para diyan Kami ay nagbubuhos ng tubig nang masagana

26. Pagkatapos ay Aming binuksan ang lupa.

27. At tumubo dito ng mga butil.

28. At mga ubas at mga halaman na panglunas.

29. At mga (punong kahoy) olibo at (mga puno ng) palma datelis.

30. At ang hardin ay nagsasara ng makapal na mga dahon

31. At mga prutas at mga gulay:

32. Laang pangkinabukasan para sa inyo, at para sa inyong mga alagang hayop.

33. Ngunit nang mangyari ang Nakakabinging Ingay,

34. Ang Araw na iyon kapag tumakas ang isang tao mula sa kanyang kapatid,

35. At mula sa kanyang ina at ama,

36. At mula sa kanyang asawa at ang kanyang mga anak,

37. Bawat tao sa araw na iyon ay magkakaroon ng sapat na pagkabahala upang gawin siyang walang pakialam (sa iba.

38. Sa araw na iyon ang mga mukha ay magiging maliwanag na parang bukang-liwayway,

39. Nagtatawanan, nagsasaya sa mgandang balita;

40. At iba pa sa araw na iyon ay may alikabok ang kanilang mga mukha.

41. Nakatalukbong sa dilim,

42. Sila ang mga hindi sumasampalataya, ang masasama.